Ang Manyak Sa Computer Shop

PAUNAWA: Ang kwentong ito ay halaw sa totoong pangyayari ngunit sinadyang palabisin ang mga detalye upang mas makadagdag ng kiliti sa mambabasa. Ibig sabihin, karamihan sa inyong mababasa ay bunga lamang ng malikot na pag-iisip ng may-akda.

Simula…

May-ari ng isang Computer shop sa lalawigan ng Batangas si Roel. Sa edad na treinta y sais ay mayroon na siyang dalawang anak mula sa kanyang asawa na si Jalyn na kasalukuyan namang nasa ibang bansa at nagtatrabaho bilang nurse.

Kadalasa'y mga estudyante sa kalapit na eskwelahan ang kanyang mga customer mapa high-school o mga mag aaral ng kalapit na pamantasan. Di na bago sa pang araw araw na pamumuhay ni Roel ang pakikihalubilo sa mga kabataang nagrerenta sa kanyang shop upang mag surf ng internet, gumawa ng mga project sa school o yung mga tipong maglalaro lang ng mga online games. Pero kakaiba ang araw na ito para kay Roel…

Bilang seguridad sa kanyang shop ay nagpalagay si Roel ng mga security cameras sa lahat ng sulok ng kanyang Computer Shop upang mamonitor ang mga pangyayari sa loob nito kahit na naroon lamang siya nakapwesto sa pinaka server ng mga computer niya. Kasama sa pagbabantay ay ang kanyang on the job trainee na si Jenina na kanya namang nauutusan kung kinakailangang ayusin upang di na sia umalis sa kanyang pwesto sa server.

Nagsimula ang araw ni Roel ng normal. Umaga pa lamang ay dagsa na ang kanyang mga kustomer. Dahil sa sabado ng araw na iyon ay dagsa din ang mga kabataang naglalaro ng mga online games. Kaya naman busy silang dalawa ng kanyang ojt sa pag asikaso sa lahat ng mga nagrerenta ng computer.

Bandang alas diyes y medya ng umaga ng makahinga hinga ng maluwag sina Roel dahil sa marami raming kustomer ang nayari sa kanilang paggamit ng computer kaya naman iilan na lamang ang kailangan nilang bantayan sa ngayon. Isang college student ang nakapwesto sa computer na malapit sa entrance ng shop. Sa kabilang dulo naman ng hilera ng mga computer ay nakapwesto ang tatlong kabataang babae na naglalaro ng online games bagamat dalawa lamang dito ang nagrerenta talaga at nanunupd lamang ang isa. Bakante ang katapatang hilera ng mga computers samantalang sa kabilang panig naman ng shop ay mayroong apat na high school students ang nagbabrowse sa internet.

Sinusubaybayan ni Roel ang mga kustomer niya mula sa kuha ng kanyang mga cctv samantalang kasalukuyang naka log on sa kanyang facebook ang kanyang ojt habang wala pang ieentertain sa mga nagrerenta.

Ilang sandali lamang ay may dalawang lalaking pumasok sa kanyang shop na tila magrerenta don ng mga computers.Lumapit ang mga ito sa cashier at inasikaso naman no Jenina. Isang computer lamang ang nirentahan nito. Umupo na ang isa sa mga lalaki habang ang isa naman ay tila nanunuod lamang sa ginagawa ng kasama. Ang mga lalaki ay pawang nasa kanilang early 30's at kung titingnan ay tila mga may pinagaralan naman kung ibabase lamang sa kanilang pagkilos at pananamit.

Nang matapos ang ginagawa ay tumungo ang dalawa sa counter upang magbayad ng renta at magpaprint na din ng mga niresearch nila sa internet. Habang nakikipagusap ang isang lalaki kay Jenina ay napansin naman ng isang lalaki ang tatlong kabataang babae na naglalaro ng online games sa gawing dulo ng computer shop.
Palinga linga ang lalaki sa paligid na tila pinagaaralan ang mga nasa loob ng shop.

Ang lahat ng pangyayari ay nasasaksihan ni Roel sa kanyang Monitor. Kahit na namamahinga'y alisto pa din si Roel sa lahat ng naglalabas masok sa kanyang shop.

Saglit na lumabas ang lalaking may dalang back pack at pagbalik nito'y kinausap nito ang kasamahan na natatagalan naman sa pagiintay sa kanyang pinapa imprenta. Muli'y minamasdan ng lalaking naka back pack ang grupo ng mga batang babae sa isang sulok. Palinga linga pa din ito sa paligid na tila nakikiramdam.

Ang lahat ng itoy di nakalampas sa paningin ni Roel kaya naman binantayan niyang maigi ang kilos ng lalaking ito. Saglit pa'y natapos na din ang pinapaimprenta ng isa pang lalaki at itoy palabas na ng shop subalit ang lalaking naka back pack ay tila nagpaiwan muna sa loob. Ipinagtaka ni Roel ang pagpapaiwan ng lalaki sapagkat di naman ito nagrerenta ng computer at wala naman itong ipinapaprenta sa kanila.

Paunti unti ay lumalapit ang lalaki sa tatlong batang babaeng naglalaro sa sulok. Huminto ito sa likuran ng mga bata na tila nanunuod sa monitor ng mga computer ng mga bata. Muli pa'y nagpalingalinga ito sa paligid. Ito ang ipinagtatala ni Roel sapagkat kanina pa tila lilinga linga ang lalaki na tola inaalam kung may nalakakita sa kanyang mga kilos. Maya maya ay tila tumalikod ang lalaki at may inayos sa kanyang harapan sabay balik sa pwestong nakaharap sa monitor ng mga bata. Lumipat ito ng kinalalagyan at pumwesto sa katabing upuan ng batang nakikinuod lamang ngunit itoy nakatayo pa rin. Ang batang nakikinuod lamang ay lumipat din ng pwesto ng makitang lumapit ang lalaki. Pumwesto ito sa sulok katabi ng batang naglalaro na katabi ng dingding. Sa pwestong iyon ay mas lumapit pa ang lalaki sa mga bata. Itinabi nito ang bakanteng upuan sa tabi ng bata sa kanan at muliy tila nanunuod ito sa monitor.

Sa loob loob ni Roel ay maaaring nagpapalipas oras lamang ang lalaki kaya nanatili ito sa loob ng shop at nanuod na lamang sa nilalarong online games ng mga bata. Ngunit tila may napansing kakaiba si Roel ng muli niyang tingnan ang lalaking nakatalikod mula sa kanyang cctv camera, tila gumagalaw ng mabilis ang kanang kamay nito. Galaw na tila may bagay itong niyuyugyog ng paulit ulit sa kanyang harapan. Muling luminga linga ang lalaki sa paligid at pagbalik nito ng tingin sa gawi ng mga bata ay muli na namang yumugyog ang kanang kamay nito.

Ilang saglit pa'y bigla na lamang naglakad palabas ng shop ang batang kaninay nakikinuod lamang sa mga kasamahan, at habang palabas ay nakatingin ito sa lalaking nasa tabi ng batang nasa kanan.

Nais malinawan ni Roel sa nagaganap sa sulok na iyon ng shop kaya inilipat nia ang pinapanuod sa cctv na nakatapat malapit sa sulok na iyon ngunit paharap naman sa kinalalagyan ng lalaki. Sa pwesto ng mga ito ay kitang kita niya ang dalawang batang nakaupo sa magkatabing computer at sa gilid ng batang nasa kanan ay nakatayo ang lalaki. Nakita din nia ang paulitulit na paggalaw ng kanang kamay nito na nakapwesto naman sa gitnang bahagi ng katawan nito. Ginamit ni Roel ang Zoom ng camera upang makita ng mas malinaw ang ginagawa ng lalaki.

Nanlaki ang mga mata nia sa namasdan. Sapagkat mula sa kuha ng cctv ay nakita niang nakalabas ang ari ng lalaki at ito ang kanina pang nilalaro nito. Ang ipinagtataka niya ay kung bakit ginagawa ito ng lalaki sa harap ng mga kabataang naroroon. Tila malakas ang loob ng lalaking gawin iyon sapagkat ang mga bata ay nakapwesto sa pinakadulo ng shop malapit sa dingding at ang pinakamalapit na tao sa kanila na maaaring makapansin sa kanila ay ang lalaking nakapwesto malapit sa entrance ng shop na tila abalang abala sa pakikipagchat.

Gimbal si Roel na nakita. Iniisip niang sitahin ang lalaki sa kababuyang ginagawa nito sa loob ng shop. Alam niyang sa ginagawang ito ng lalaki ay isa itong pedophile na ang laman ng mga pantasya ay ang mga bata. Nagtatalo ang isip ni Roel, di niya malaman ang gagawin. Naisip niyang bulabugin na lamang ang lalaki sa ginagawa kaya inutusan nia ang ojt niang si Jenina na ayusin ang mga upuang malapit sa kinapupwestuhan ng mga bata…..

Itutuloy…