1. Home
  2. Stories
  3. Kapalit (Kabanata I)
Filipino Sex Stories

Kapalit (Kabanata I)

By lisa23 ·

Kabanata I

She will live on in the hearts of everyone who loved her

Malungkot na binasa ni Mari ang nakasulat sa lapida ng namayapang kapatid. Unti/unting bumuhos ang mga luha na kanina niya pa pinipigilang pumatak simula ng pagkapasok nila sa private cemetery.

'Paano na ako'

'Saan ako pupunta'

'Bakit ninyo ako iniwan'

"Mari." Napatalon sa gulat ang dalaga nang hawakan siya sa braso ng asawa ng namayapang kapatid. "Hinihintay ka na ni Anna sa sasakyan" Tinutukoy nito ang pitong taong gulang na bata na anak ng kaniyang ate.

Mabilis na pinunasan ng dalaga ang mga luha at marahang tumango.

"Sige kuya Carlo susunod po ako" Sagot niya sa lalake ngunit parang wala itong narinig at mariin pa ring nakatingin sa kaniya. Hindi pa rin nasasanay si Mari sa nararamdamang kaba kapag nasa malapit lang ang lalake.

Isang taxi driver si Carlo at isa namang elementary teacher ang Ate May niya. Nagkakilala ang mga ito nang isang araw ay naging pasahero ni Carlo si May at nagkagaanan ng loob sa biyahe.

Tandang-tanda pa ni Mari ang araw na ipinakilala ni May sa kanilang pamilya si Carlo pitong na taon na ang nakakalipas.

Muntik nang mahimatay ang kaniyang ina nang malaman na magpapakasal na ang panganay na anak sa lalakeng kakapakilala lang nito noong araw ring iyon.

"Sigurado ka na ba sa kaniya Ate?" Mahinang tanong ni Mari sa ate niya habang naghuhugas ng mga pinagkaina nila kanina.

"Oo naman Mari. Mahal namin ang isa't-isa at nasa tamang edad na rin naman kami diba?" Nakangiting tugon ng ate niya pagkatapos ay tinuon ang tingin nito sa lalakeng iniibig na masinsinang kinakausap ng kanilang ama sa sala.

Nilingon niya ang kapatid at nakita niya rito ang kakaibang saya sa mukha habang tinitingnan si Carlo.

Maganda ang Ate May niya. May taas na 5'5" at may balingkinitang katawan. Namana nito ang malaporcelanang kutis ng kanilang ina. Lagi rin itong hinihikayat ng mga kakilala na sumali sa mga beauty contest dahil sa natatangi nitong ganda ngunit alam niyang walang hilig ang nakakatandang kapatid sa mga ganoong bagay. Pagbabasa at pag-aaral lang ang alam niyang libangan ng kapatid. Kahit nga noong unang taon nito sa pagtuturo ay babad pa rin ito sa trabaho. Sa loob ng dalawampu't tatlong taon na namunuhay ang ate niya wala itong pinakilalang lalake sa kanila, kaya laki na lang ang gulat nilang lahat nang may kasama itong lalaki ngayon at humingi ng permisyo sa magulang upang magpakasal.

Itinuon ni Mari ang tingin sa lalakeng bumihag sa puso ng kaniyang nag-iisang kapatid. Parang ang liit-liit tingnan ng sofa nila dahil sa binata. Bahagya siyang napangisi sa naisip. Kung sabagay muntik na niyang mapagkamalang PBA Player si Carlo. Sa tantiya niya ay lagpas ito sa 5'11". Hindi niya masasabing napakagwapo ng binata. May itsura ito pero hindi yung tipong maiinlove ka sa unang tingin. Pero isa ang nasisigurado ni Mari, napaka lakas ng sex appeal ng binata. Marahil dahil sa tangkad nito at isama pa ang kayumangi nitong kulay at matipunong katawan. Marahil ay isa mga nagustuhan ng kapatid sa binata.

Hindi sinasadyang napasadahan ng mata ni Mari ang umbok sa pantalon ng binata.

'Parang ang laki naman, o normal lang iyon?'

Napangisi si Mari sa naisip at pinagpatuloy na lang ang paghuhugas sa mga pinggan.

Napatigil sa pag-alaala sa nakaraan ang dalaga nang huminto ang sasakyan sa tapat ng bahay ng kaniyang Kuya Carlo at Ate May.

"Mari, salamat at napagbigyan mo ang kahilingan ko na dito ka muna pansamantala"

Nilingon niya ang bayaw at tipid na ngumiti.

"Ayos lang po Kuya Carlo. Alam kong ito rin ang nais mangyari ni ate" nagdadalawang isip pa siya kung sasabihin sa naiwang asawa ng kapatid ang tanging hiling ng kapatid sa kaniya bago ito pumanaw.

'Ikaw na ang bahala sa mag-ama ko, Mari. Mahalin mo nang lubusan si Anna at ituring mo na sarili mong anak. Ibigay mo ang kaligayahan na hinahanap ni Carlo'

Nakapagdesisyon ang dalaga na itikom na lang ang kaniyang bibig. Ayaw niyang isipin ng bayaw na napilitan siyang samahan ang mga ito dahil sa kahilingan ng kaniyang ate. Hindi rin niya maipaliwanag ang nararamdaman ngunit ayaw niyang maging malungkot ang bayaw. Gagawin niya ang lahat para matupad ang pangakong binitawan sa pumanaw na kapatid.